विराटनगर । नेकपा एमाले प्रदेश नम्बर १ को संसदीय दलको नेतामा भीम आचार्य चयन भएका छन । शेरधन राईको प्रस्तावमा आचार्य संसदीय दलको नेतामा सर्वसम्मत चयन भएका छन ।
योसँगै प्रदेश नं १ का मुख्यमन्त्री शेरधन राईले आज पदबाट राजिनामा दिने भएका छन् । संसदीय दलको नेताबाट राईले राजिनामा दिएपछि आचार्य चयन भएका छन । मुख्यमन्त्री पदबाट आजै राजिनामा गरेर आचार्यलाई मुख्य मन्त्री नियुक्त गर्ने तयारी रहेको छ ।
बुधबार राति अबेरसम्म मुख्यमन्त्री राई, एमाले प्रदेश एकका अध्यक्ष देवराज घिमिरेले अध्यक्ष केपी शर्मा ओलीसँग छलफल गरेका थिए । मुख्यमन्त्रीमा आचार्यलाई अघि बढ्न अध्यक्ष ओलीले केही महिना अघि नै संकेत गरेका थिए ।
मुख्यमन्त्रीको सचिवालय स्रोतका अनुसार ११ बजे संसदीय दलको बैठकले आचार्यलाई दलका नेता चयन गर्ने र लगत्तै राईले राजीनामा गरेर आचार्यलाई नियुक्त गर्न प्रदेश प्रमुखकहाँ आवेदन गर्ने तयारी छ ।
प्रदेश १ मा हाल ९२ जना सांसद छन् । सरकार बनाउन ४७ जना सांसद आवश्यक पर्दछ । त्यसमा राजेन्द्र राई,रानन राई र गणेश काम्बाङ माधव नेपालतिर लागेका छन् । यसो गर्दा पनि एमाले एक्लैको ४८ जना सांसदहरु हुन्छन् ।
सम्बन्धित खवर
