हेटौंडा । बागमती प्रदेशबाट राष्ट्रियसभा सदस्यका लागि भएको उपनिर्वाचनमा डा. खिमलाल देवकोटा विजयी भएका छन् ।
देवकोटाले नेकपा एमालेका उम्मेदवार रामबहादुर थापा ‘बादल’ लाई पराजित गरेका हुन् ।
देवकोटाले ५ हजार ८८ मतभार प्राप्त गरेर विजयी भएका हुन् ।
देवकोटाले प्रदेश सभा सदस्यतर्फ ५८ मत पाएका थिए जसको मतभार २७८४ हुन्छ भने स्थानीय तह तर्फको मतगणनामा देवकोटाले २३३ मध्ये १२८ मत पाएका छन् ।
देवकोटालाई नेपाली कांग्रेस, नेकपा माओवादी केन्द्र, जनता समाजवादी पार्टी र नेकपा एमालेको नेपाल पक्षको समर्थन रहेको थियो ।
आज विहान ९ बजेदेखि दिउँसो ३ बजेसम्म भएको मतदानमा ३ सय ३८ मत खसेको थियो ।
प्रदेश सांसद १०५ र स्थानीय तहका प्रमुख–उपप्रमुख गरी २३३ जनाले मतदान गरेका थिए ।
