काठमाडौं । संसद विघटनको समाचार बाहिरिनेवित्तिकै प्रधानमन्त्री केपी ओलीसँग भेट गर्न सत्तारुढ नेकपाका दोस्रो वरीयताका अध्यक्ष पुष्पकमल दाहाल ‘प्रचण्ड’ बालुवाटार गएका छन् ।
खुमलटार स्रोतका अनुसार केही समय अगाडि दाहाल बालुवाटार प्रवेश गरेका हुन् । भेटमा के कुरा हुनेछ भन्नेबारे केही भनिएको छैन ।
बालुवाटारमा आइतबार बिहान बसेको आकस्मिक मन्त्रिपरिषदको बैठकले संसद विघटन गर्ने निर्णय गरेको थियो । मन्त्रिपरिषदको निर्णय सार्वजनिक हुनेवित्तिकै राजनीतिक तरंग उत्पन्न भएको छ ।
