काठमाडौ, १५ भदौ । काठमाडौँ महानगरपालिकाका मेयर विद्यासुन्दर शाक्यलाई कोरोनाभाइरस संक्रमण पुष्टि भएको छ ।
परीक्षणका लागि २ दिन अघि स्वाब दिएका उनलाई सोमबार संक्रमण पुष्टि भएको उनको सचिवालयले जनाएको छ ।
स्रोतका अनुसार उनकी पत्नीलाई स्वास्थ्यमा समस्या आएपछि शाक्य दम्पत्तिले स्वाब दिएका थिए । यद्यपि उनको श्रीमतीमा संक्रमण देखिएको छैन ।
कोरोनाका लक्षण नदेखिएका उनी होम आइसोलेसनमा बसेका छन् ।
