भरतपुर, २९ साउन । चितवनमा एक जना चिकित्सक सहित थप ७ जनामा कोरोना संक्रमण पुष्टि भएको छ ।
बुधबार भरतपुर कोरोना प्रयोगशालामा गरिएको परीक्षणमा राप्ती नगरपालिकाका ६ जना र भरतपुरका १ जनामा कोरोना पोजेटिभ देखिएको हो ।
राप्तीका सबै क्वारेन्टिनका हुन् । रत्ननगर अस्पतालमा स्वाब लिइएका ती संक्रमित सोही अस्पतालमा कार्यरत हुन् ।
बुधबार २०३ वटा नमूना परीक्षण गरिएकोमा बाँकी १९६ जनाको भने रिपोर्ट नेगेटिभ आएको प्रयोगशाला प्रमुख डा.नीतु अधिकारीले बताइन् ।
