काठमाडौँ । अवैध रुपमा मृगौला प्रत्यारोपण गरेको अभियोगमा प्रहरीले चितवनको पुरानो मेडिकल कलेज ( कलेजअफ मेडिकल साइन्सेेेज) का ४ जना डाक्टरहरुलाई पक्राउ गरेको छ ।
यद्यपि यसको विषयमा प्रहरीले आइतबार मात्रै पत्रकार सम्मेलनमार्फत आधिकारिक जानकारी दिने बुझिएको छ ।
प्रहरीले मेडिकल कलेजका सुप्रभात श्रेष्ठ, बालकृष्ण कालाखेती लगायत रहेको जनाइएको छ ।
मानव बेचबिखन अनुसन्धान ब्युरोको टोलीले उनीहरुलाई पक्राउ गरेको विशेष स्रोतले जनाएको छ । उनीहरुलाई लामो समयको अनुसन्धापछि पक्राउ गरिएको जनाइएको छ । ब्युरोको लामो समयको अनुसन्धानपछि डाक्टरहरु पक्राउ परेका हुन। सो अस्पताल चितवनको पुरानो मेडिकल कलेजको नामले परिचित छ। कलेजका संचालक भी नटराज र नगेन्द्र कम्पाटी हुन ।
