चितवन । चितवन हात्ती महोत्सबको ५औं दिन आज महिला वीच भलिबल प्रतियोगिता र हात्तीपोलो खेल संगै चर्चित लोक गायीका मञ्जु पौडेल,मिलन लामाको विशेष प्रस्तुती रहने भएको छ ।
पौष १० गते देखि शुरु भइ १८ गते सम्म जारी रहने १६ औं चितवन हात्ती महोत्सब सौराहामा भैरहेको छ । जस अन्तर्गत हरेका दिन हात्तीका बिभिन्न रमाईला खेलसंगै राष्ट्रिय तथा स्थानिय कलाकारको पनि प्रस्तुति रहदै आएको छ । आज महोत्सव अन्तर्गत महिला वीच भलिबल प्रतियोगिता र पहिलो चरणको हात्तीपोलो खेल हुने क्षेत्रीय होटल संघ चितवन, सौराहाका अध्यक्ष दिपक भट्टराईले जानकारी दिए ।
हात्ती महोत्सबको अर्को आकर्षण सांस्कृतीक कार्यक्रममा पनि आज नेपाली लोक क्षेत्रमा चर्चीत गायीका मञ्जु पौडेल,मिलन लामा को प्रस्तुती रहने कार्यक्रमका सांस्कृतीक संयोजक प्रकाश चन्द्र भट्टराईले जानकारी दिए । यसका अतिरिक्त थप आकर्षणहरु ;चर्चित डान्स डाईरेक्टर: शिब बि .क .
चर्चित मोडल तथा डान्सर – अञ्जली अधिकारी
चर्चित हास्यकलाकार : फुलन्देको आमा
चर्चित गायिका तथा कार्यक्रम प्रस्तोता : मञ्जु पौडेल
साथमा राष्ट्रिय लोक तथा दोहोरी गीत प्रतिष्ठान नेपाल चितवन शाखाका कलाकार हरु र रत्ननगर कला मन्दिर का कलाकार हरु को बेजोड प्रस्तुति समेत रहने संयोजक भट्टराईले जानकारी दिए ।
उनले हरेक दिन हात्तीको खेल संगै दर्शकलाई मनोरञ्जन पनि दिने सोचका राखेर राष्ट्रिय तथा स्थानिय कलाकारको साथमा विविध सांस्कृतिक कार्यक्रम हुने गरेको बताए ।
सम्बन्धित खवर
