धादिङ । धादिङको ज्यामिरेघाटमा हाइसले ठक्कर दिँदा एक बालकको मृत्यु भएको छ । मृत्यु हुनेमा गोरखा जिल्ला गण्डकी गाउँपालिका–६ आँपचौरका १६ बर्षिय मिलन थापा रहेका छन ।
प्रहरीले दिएको जानकारी अनुसार सोमबार साँझ धादिङको बेनिघाट रोराङ गाउँपालिका–९ ज्यामिरेघाटस्थित सडकमा काठमाडौंबाट चितवनतर्फ जाँदै गरेको बा.प्र ०६–००१ ख ३०६ नम्बरको हाइसले ठक्कर दिँदा थापा गम्भीर घाईते भएका थिए ।
गम्भीर घाईते भएका थापालाई मलेखुस्थित टिचिङ अस्पतालमा प्राथमिक उपचारगरि थप उपचारका लागि काठमाडौं बाँसघारीस्थित न्यूरो अस्पताल लगिएको थियो । थापाको उपचारका क्रममा सोमबार राती मृत्यु भएको हो ।
ठक्कर दिने सवारी र त्यसका चालकलाई नियन्त्रणमा लिएर अनुसन्धान सुरु गरेको धादिङ प्रहरीले जनाएको छ ।
