चितवन । चितवनमा आज १ सय ४६ जनामा कोरोना भाइरस संक्रमण पुष्टि भएको छ। स्वास्थ्य कार्यालय चितवनको तथ्यांकानुसार भरतपुर महानगरपालिकाभित्र मात्रै ११७ जनामा संक्रमण पुष्टि भएको हो। बाँकी २९ जनामा रत्ननगरमा १३ जना, राप्तीमा २ जना, खैरहनीमा ७ जना, माडीमा ३ जना, इच्छाकामनामा ३ जना र कालिकामा १ जना संक्रमण पुष्टि भएको स्वास्थ्यले जनाएको छ।
हाल चितवनमा सक्रिय संक्रमितको संख्यामात्रै ४७० पुगेको छ। तीमध्ये १६ जना अस्पतालको आइसोलेसन केन्द्रमा उपचाररत छन् भने बाँकी ४५४ जना होम आइसोलेसनमा छन्। स्वास्थ्य कार्यालय चितवनकी जनस्वास्थ्य अधिकृत गीताञ्जली ढकालका अनुसार पछिल्लो २४ घण्टामा चितवनमा एन्टिजेन र पिसिआर गरी ५२६ जनामा कोरोना परीक्षण गरिएको थियो।
सम्बन्धित खवर
