काठमाडौँ । सत्तारुढ नेकपाका अध्यक्ष एवम् प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीचको भेटवार्ता सकिएको छ ।
उनीहरुबीच बालुवाटारमा भएको वान टु वान वार्तामा नेकपामा देखिएको चरम विवादबारे छलफल भएको बताइएको छ ।
उनीहरुबीचको छलफल सकिएलगत्तै नेकपा स्थायी कमिटीको बैठक बस्ने भएको छ ।
अब बस्ने स्थायी कमिटीको बैठकमा अध्यक्ष प्रचण्डलगायतका नेताहरुले सरकारले ल्याएको संवैधानिक परिषद सम्बन्धी अध्यादेशबारे गम्भीर छलफल गर्ने बताएका छन् ।
