काठमाडौं । देशैभरका अदालत आइतबारबाट बन्द भएका छन् । सबै अदालत कोजाग्रत पूर्णिमाको भोलिपल्ट २६ असोजदेखि मात्रै खुल्नेछन् ।
घटस्थापनादेखि कोजाग्रत पूर्णिमासम्म प्रत्येक वर्ष बिदा हुँदै आएकोमा यस वर्ष पनि सबै तहका अदालत तथा न्यायाधीकरणमा बिदा दिइएको सर्वोच्च अदालतका सहप्रवक्ता देवेन्द्र ढकालले जानकारी दिए ।
अदालतहरू जनतासँग प्रत्यक्ष रूपमा जोडिने र उनीहरूको उपस्थितिमा मुद्दाको सुनुवाइ, पेसी र तारिख तोक्न नसकिने हुँदा न्यायालयमा बिदा दिइएको सर्वोच्च अदालतले जनाएको छ ।
अदालतको नियमित काम कारबाही बन्द हुने भए पनि सर्वोच्च अदालतमा बन्दी प्रत्यक्षीकरण र जिल्ला अदालतबाट पक्राउ पूर्जी जारी गर्ने काम भने यथावत् नै रहनेछ ।
