काठमाडौं । साविक विजेता भारतलाई हराउँदै बंगलादेश साफ यू-२० च्याम्पियनसिप फुटबलको फाइनलमा पुगेको छ । सोमबार भएको सेमिफाइनलमा बंगलादेशले भारतलाई टाइब्रेकरमा पराजित गर्यो । बंगलादेशले उपाधिका लागि नेपालसँग खेल्नेछ ।
यसअघि नेपालले भुटानलाई टाइब्रेकरमा हराएर फाइनल यात्रा तय गरेको थियो । निर्धारित समयको खेल १-१ गोलको बराबरी भएपछि नतिजा टाइब्रेकरबाट लिइएको थियो । पेनाल्टी सुटआउटमा बंगलादेशका गोलकिपरले भारतको पहिलो र पाँचौं प्रहार रोकेका थिए ।
गत संस्करणमा भारतले बंगलादेशलाई नै हराएर उपाधि जितेको थियो ।
सम्बन्धित खवर
