काठमाडौं । सौर्य एयरलाइन्सको बिमान दुर्घटनामा मृत्यु भएका केहीको शव परिवारजनले बुझेका छन् । शुक्रबार शव परीक्षण सकिएकाले पाँच शव परिवारजनलाई बुझाइएको शिक्षण अस्पतालको फोरेन्सीक विभागले जनाएको छ ।
अन्य पहिचान भएका शव शनिबार बुझाउने तयारी छ । त्यस्तै केही मृतकका परिवारले भने आफ्ना माग पुरा नभएसम्म शव नबुझ्ने अडान राखेका छन् । बुधबार सौर्य एअरलाइन्सको ९ एन एएमई जहाज दुर्घटना हुँदा विमानमा सवार १८ जनाको मृत्यु भएको हो ।
