चितवन । चितवनमा लागुऔषध गाँजा सहित दुई जना पक्राउ परेका छन् । पूर्वि चितवनको राप्ती नगरपालिका-११ डुम्रेखाडिस्थित सडकखण्डबाट सोमबार इलाका प्रहरी कार्यालय भण्डाराकाको टोलीले लागुऔषध गाँजा सहित दुई जना पक्राउ गरेको हो ।
सवारीसाधन चेकजाँच गर्ने क्रममा ना ५९ प ९९०८ नम्बरको मोटरसाइकलमा चेकका क्रममा उनीहरुको साथमा लागुऔषध गाँजा फेला परेको चितवन प्रहरीले जानकारी दिएको छ । पक्राउ पर्नेमा गैडाकोट -५ बस्ने २४ बर्षिय शुशिल पुन र सोही मोटरसाइकलमा सवार रत्ननगर- ११ बस्ने २४ बर्षिय मनोज गुरुङ रहेका छन् ।
झोलामा प्रतिबन्धित लागुऔषध गाँजा ४ किलो ८ सय ग्राम भेटिएको प्रहरीले जानकारी दिएको छ । अहिले उनीहरुलाई चितवन प्रहरीले चितवन अदालतबाट ७ दिनको म्याद थप गरेर अनुसन्धान गरिरहेको छ ।
