चितवन । चितवनको इच्छाकामना गाउँपालिका ३ फिस्लिङनजिकै बस र कार ठक्कर खाँदा बस त्रिशुलीमा खसेको छ । आज बिहान ७ः२५ बजे नेपालगन्जबाट काठमाडौंतर्फ गइरहेको भे १ ख ४०६२ नम्बरको बस विपरित दिशाबाट आइरहेको बागमती प्रदेश ०१–०२९ च ३७२० नम्बरको कारसंग ठक्कर खाइ बस त्रिशुली नदीमा खसेको हो । बस सडकबाट अन्दाजी ५० मिटर तल त्रिशुली नदीमा खसेको जिल्ला प्रहरी कार्यालय चितवनले जानकारी दिएको छ । दुर्घटनामा एक दर्जन भन्दाबढी घाइते भएका छन भने तीन जनाको अवस्था गम्भीर रहेको छ ।उनिहरुको उपचारका लागि भरतपुर ल्याइएको छ । बसमा ३५ जना र कारमा ५ जना सवार थिए । अन्य यात्रु शकुसल रहेको प्रहरीले जनाएको छ ।फोटो: दानबहादुर गुरुङ
