चितवन । नेकपा (एमाले) का अध्यक्ष केपी शर्मा ओली भोलि (२५ गते) चितवन आउनु हुने भएको छ । नेकपा (एमाले) चितवनको ११ औं जिल्ला अधिवेशनबाट निर्वाचित अध्यक्ष, पदाधिकारी तथा सदस्यहरुको सपथग्रहण समारोहलाई सम्बोधन गर्न ओली चितवन आउन लाग्नु भएको हो ।
नवनिर्वाचित सचिव प्रकाश ढुंगानाका अनुसार भोलि भरतपुरको लंकुमा रहेको होटल ग्यालेक्सीमा बिहान ११ बजेबाट कार्यक्रम प्रारम्भ हुनेछ । कार्यक्रमको सम्पूर्ण तयारी पूरा भएको ढुंगानाले जानकारी दिनुभयो ।
कार्यक्रम अनुसार प्रमुख निर्वाचत अधिकृत जगन्नाथ भण्डारीले नवनिर्वाचित अध्यक्ष पाठकलाई सपथग्रहण गराउनु हुनेछ भने अध्यक्ष पाठकले पदाधिकारी तथा सदस्यहरुलाई सपथग्रहण गराउनु हुनेछ । सो कार्यक्रममा पार्टी अध्यक्ष केपी शर्मा ओली सहित केन्द्रीय नेताहरुले सम्बोधन गर्ने कार्यक्रम रहेको ढुंगानाले बताउनुभयो । उहाँले पार्टीका नेता, कार्यकर्ता तथा शुभेच्छुकहरुलाई कार्यक्रममा उपस्थितिका लागि आव्हान समेत गर्नुभयो ।
एमाले चितवनको ११ औं अधिवेशन गत १६ गते सम्पन्न भएको थियो । सपथग्रहणसँगै नवनिर्वाचित कार्यसमितिले आफ्नो जिम्मेवारी सम्हाल्ने छ ।
