चितवन । ट्याङकरको ठक्करबाट टिकौली जङ्गलमा आज साँझ स्कुटर चालकको मृत्यु भएको छ ।
भरतपुर महानगर पालिका-९, टिकौली जंगलमा बिरगन्जबाट काठमाण्डौ तर्फ आई रहेको ना ७ ख ३७२३ नम्बरको तेल बोक्ने ट्याङकरले भरतपुरबाट टांडी तर्फ गई रहेको बा ८३ प ५५३ नम्बरको स्कुटरलाई ठक्कर दिँदा स्कुटर चालक प्राण जवारा गम्भीर घाइते भएका थिए ।
भरतपुर महानगर पालिका-९, गोन्द्राङ निवासी अन्दाजी ६१ वर्षिय प्राण जवाराको तत्काल नयाँ मेडिकल कलेज भरतपुरमा पुर्याई उपचार भई रहेकोमा उनको उपचारको क्रममा आज साँझ करिब ७ बजे मृत्यु भएको चितवन प्रहरीले जनाएको छ । दुर्घटना भएको दुबै सवारी साधन प्रहरी चौकि गोन्द्राङको नियन्त्रणमा रहेको छ ।
साथै ट्याङकर चालक मकवानपुरको हेटौंडा-११, नवलपुर बस्ने बर्ष ३८ को तुलाराम मैनाली चितवन प्रहरीको नियन्त्रणमा रहेको जिल्ला प्रहरी कार्यालय चितवनका डिएसपी तथा प्रहरी प्रवक्ता विजयराज पण्डितले जानकारी दिनुभयो ।
