काठमाडौं । पदावधि सकिएको प्रतिनिधिसभाका सभामुख अग्नी प्रसाद सापकोटाविरुद्ध सर्वोच्च अदालतमा मुद्दा दायर भएको छ ।
संसदको पदावधि सकिएपछि पनि सभामुखले संविधान उल्लंघन गरेर पदमा बसिरहेको भन्दै सर्वोच्च अदालतमा रिट दायर भएको हो ।
अधिवक्ताहरू किशोर पौडेल, जगन्नाथ दुलाल र अनुपम भट्टराईले प्रधानमन्त्री तथा मन्त्रिपरिषद् कार्यालय, कानुन मन्त्रालय र संघीय संसद् सचिवालयलाई विपक्षी बनाई सभामुख र उपसभामुखविरुद्ध रिट दायर गरेका हुन् ।
प्रतिनिधिसभाका लागि हुने अर्को निर्वाचनको उम्मेदवारी दाखिल गर्ने अघिल्लो दिनसम्म मात्र पदमा बहाल रहने व्यवस्था उल्लेख गर्दै रिटमा सभामुख र उपसभामुखको पद खाली गराउन माग गरिएको छ ।
