एमाले पदाधिकारीको वरियता निर्धारण, यस्तो छ उपाध्यक्ष-उपमहासचिव र सचिवहरुको बरियताक्रम

काठमाडौं । नेकपा एमालेले पदाधिकारीहरुको बरियता निर्धारण गरेको छ । तत्कालीन नेकपा एमालेको केन्द्रीय नेतृत्वमा रहेको आधार र तत्कालीन नेकपाको सचिवालय तथा स्थायी कमिटीको बरितयालाई समेत मिलाएर नेताहरुको मर्यादाक्रम तोकिएको हो ।

भक्तपुरमा जारी केन्द्रीय कमिटीको दोस्रो बैठकले वरियता निर्धारण गरेको हो । जसअनुसार अध्यक्ष केपी ओलीर बरिष्ठ उपाध्यक्ष ईश्वर पोखरेलपछि उपाध्यक्षहरुमा युवराज ज्ञवाली पहिलो वरियतामा रहनुभएको छ । यस्तै तेस्रोमा रामबहादुर थापा चौथोमा विष्णु पौडेल राखिएको छ । थापा नेकपा सचिवालयमा बिष्णु पौडेल भन्दा माथिल्लो बरियतामा हुनुहुन्थ्यो । त्यस्तै ज्ञवाली र शाक्य एमालेको पहिले नै उपाध्यक्ष हुनुहुन्थ्यो तर नेकपाको सचिवालयमा हुनुहुन्थेन । एमालेले पाँचौ बरियतामा सुवास नेम्वाङ र छैटौमा सुरेन्द्र पाण्डेलाई राखेको छ ।

महासचिव शंकर पोखरेलपछि उपमहासचिवमा प्रदीप ज्ञवाली पहिलो, पृथ्वीसुब्बा गुरुङ दोस्रो र बिष्णु रिमाल तेस्रो वरियतामा रहनुभएको छ । यसैगरी सचिवहरुमा टोपबहादुर रायमाझी पहिलो, लेखराज भट्ट दोस्रो, रघुविर महासेठ तेस्रो, छविलाल विश्वकर्मा चौथो, गोकर्ण विष्ट पाँचौ, योगेश भट्टराई छैटौं र पद्मा अर्याल सातौ मर्यादाक्रममा रहनुभएको छ ।

हेर्नुहोस् पदाधिकारीको वरियताक्रमः

अध्यक्ष : केपी शर्मा ओली

वरिष्ठ उपाध्यक्ष : ईश्वर पोखरेल

उपाध्यक्ष

युवराज ज्ञवाली

अष्टलक्ष्मी शाक्य

रामबहादुर थापा

विष्णु पौडेल

सुवास नेम्वाङ

सुरेन्द्र पाण्डे

महासचिव

शंकर पोखरेल