काठमाडौं । ग्लोबल गोरखा समाज अन्तर्राष्ट्रिय समन्वय परिषदले कोभिड १ ९ को वर्तमान स्थितिलाई मध्यनजर गर्दै गोरखा जिल्लाका सबै स्थानीय तहमा एक / एक लाख वरावरको स्वास्थ्य सामाग्री उपलब्ध गराउने भएको छ । ग्लोबल गोरखा समाजको बैठकले कोभिड -१ ९ को बढ्दो जोखिमलाई मध्यनजर गर्दै तत्कालको लागि ९ वटै गाउँपालिका र २ वटा नगरपालिकालाई एक / एक लाख वरावरको स्वास्थ्य सामाग्री सहयोग गर्ने निर्णय गरिएको ग्लोबल गोरखा समाज अन्तर्राष्ट्रिय समन्वय परिषद का अध्यक्ष विनय अधिकारीले जानकारी गराउनुभयो ।
त्यस्तै अक्टोवर २४ तारिखमा सम्पन्न भर्चुअल बैठकले उपाध्यक्षमा क्यानडाबाट रस्मि थापा मगर, कोषाध्यक्षमा हङकङबाट आकाश बन्जारा र सह-कोषाध्यक्षमा यूकेबाट बम बहादुर गुरुङलाई नियुक्त गर्ने निर्णय पनि गरेको छ । बैठकले निवर्तमान महासचिव विनोद पोखरेललाई नेपालमा समन्वय गर्ने गरि ग्लोबल गोरखा समाजको संयोजकको जिम्मेवारी पनि प्रदान गर्ने निर्णय गरेको छ ।
त्यस्तैगरि समाजको पहिलो बैठकले १२ सदस्यीय सल्लाहकार समिति पनि गठन गरेको छ । साथै विभिन्न क्षेत्रलाई समेट्ने गरि थप सल्लाहकार तथा उपसमिति पनि गठन गरिने भएको छ ।
