काठमाडौं । नेकपा एमालेका अध्यक्ष केपी शर्मा ओलीले विश्व अहिलेको स्थितिमा भइरहेको विकास र आधुनिकता मजदुरहरूकै कारण भएको बताउनुभयो । विश्वका विभिन्न देशमा मजदुर युनियन आवश्यक नै नभएको भनेर अभियान समेत चलेको तर पछि उनी मजदुहरूबाटै विश्वमा परिवर्तन सम्भव भएको बताउनुभयो ।

काठमाडौंमा आज आयोजित कार्यक्रममा अध्यक्ष ओलीले अहिले पुँजीवादीहरूका कारण विश्वमा परिवर्तन भएको हो की जस्तो देखिए पनि त्यसो नभएको उहाँले बताउनुभयो । उहाँ यो परिवर्तन हाम्रो संघर्षको परिणम भएको उहाँको भनाइ थियो ।

कार्यक्रममा उहाँले नेपालमा पनि भएका जति पनि सुधार छन सबै मजुदरकै कारण भएको बताउनुभयो । उहाँले कार्यक्षेत्रमा महिला पुरुष बराबरी, कार्यस्थल सुरक्षा, बिमा, ज्यालमा समानाता, समाजिक सुरक्षा जस्ता सबै सुधार मजदुरकै कारण भएको बताउनुभयो ।

तीन वर्ष अघि अर्थात सन् २०१९ मा आफू आइएलओमा जाँदा पनि त्यहाँ नेपाली मजदुरहरुको योगदानको प्रशंसा भएको सुनाउनुभयो । कार्यक्रममा उनले नेपालको भविष्य र सुसासनको मजदुरहरुमै निर्भर रहेको बताउनुभयो । साथै, समृद्ध नेपाल, सुखी नेपाली अभियान मजदुर आन्दोलन र मजदुर युनियनकै उपार्जन भएको उहाँले बताउनुभयो ।

प्रतिक्रिया दिनुहोस !