चितवन । पुर्वी चितवनको कालिका-६ स्थित खोलेसिमलमा रहेको सुरक्षित बचत तथा ऋण सहकारी संस्थाको नयाँ कार्यसमिति चयनका लागि भएको निर्वाचनमा ओमप्रसाद लामिछानेको प्यानल नै अगाडि रहेको छ । १ सय मतगणनामा लामिछानेले ४९ मत र हरिप्रसाद भण्डारीले ४४ मत प्राप्त गरेका थिए । लामिछाने नेतृत्वको प्यानलबाट उपाध्यक्षमा दिपक लामिछानेले ५९, सचिवमा लालुप्रसाद दाहालले ५२, कोषाध्यक्षमा कविता न्यौपानेले ४९ मत प्राप्त गरेका छन।

सोही प्यानलबाट संचालक समिति सदस्यहरुमा गोमा आचार्य घिमिरे ४७ , खेमलाल अधिकारी ५३, शिशिर सिंखडा ५८ , नरवहादुर जिसी ४२, कृष्ण प्रसाद भट्ट ४७, चन्द्र प्रसाद लामिछाने ५१ र मेघराज पन्तले ५२ मत प्राप्त गरेका छन ।  लेखा सुपरीवेक्षण समिति संयोजकमा विष्णुमणि लामिछाने ५१  सदस्यहरुमा होमप्रसाद भट्ट ५२ र वुद्धि बोम्जनले ३६ मत पाएका छन । भण्डारी प्यानलबाट उपाध्यक्षमा भिमप्रसाद खनाल ३१, सचिवमा विद्याधर वास्तोला ३६, कोषाध्यक्षमा जितेन्द्र वाग्ले ३७ तथा संचालक सदस्यमा विन्दा कुमारी खनाल ३५, पुरुषोतम कडेंल २५, टंक वहादुर थापा ४०, शर्मिला लामिछाने सिंखडा ३८, जयलाल कडेंल ३५, किशोर अधिकारी २७ र गणेशप्रसाद रेग्मीले ३३ मत पाएका छन् ।

सो समुहबाट लेखा सुपरीवेक्षण समिति संयोजकमा रामकृष्ण लम्साल २९ तथा सदस्यहरुमा युवराज खतिवडा ३६ र कृष्णराज लामिछानेले २९ मत पाएका छन् । बिहिवार भएको मतदानमा लामिछाने प्यानललाई एमाले- माओवादी प्यानलको समर्थन र भण्डारी प्यानललाई काङ्ग्रेस- समाजबादीको समर्थन रहेको छ । मतदानमा १३ सय ६३ मत खसेको निर्वाचन समिति संयोजक द्रोणप्रसाद लामिछानेले जानकारी दिए। सो सहकारीमा १६ सय ६७ जना मतदाता रहेका थिए ।

प्रतिक्रिया दिनुहोस !