बेइजिङ । चिनियाँ राष्ट्रपति सी जिन पिङले सोमबार बसेको पोलिटब्यूरो बैठकमा दुई सन्तान मात्र जन्माउने नियमलाई अन्त्य गर्दै एक दम्पतीले तीन जनासम्म जन्माउन सक्ने घोषणा गरेका छन् ।

चीनको जनसंख्या वृद्धिदर हालको जनगणनाअनुसार केही दशकमै कम भएपछि राष्ट्रपतिले सो निर्णय गरेका हुन् । सो जनगणनाको नतिजाले चीनमा जनसंख्या घट्नबाट जोगाउन बढी बच्चा जन्माउन पाउने नीति स्वीकृत गरेका छन् ।

चीनले सार्वजनिक गरेको जनगणनामा गत वर्ष १ करोड २० लाख बच्चा जन्मिएको देखिएको थियो । सन् २०१६ मा एक करोड ८० लाख संख्याको हाराहारीमा थियो भने सन् १९६० दशकयता सबैभन्दा कम हो ।

सन् १९८० देखि सन् २०१५ सम्म एक दम्पतीले एक जना बच्चामात्र जन्माउन पाउने नीति थियो र सन् २०१६ को सुरुदेखि दुई बच्चासम्म जन्माउन पाउने नीति बनाइएको थियो ।

 

प्रतिक्रिया दिनुहोस !