काठमाडौं । प्रतिनिधिसभा विघटनसम्बन्धी मुद्दाको दोस्रो दिनको सुनुवाइको क्रममा अधिवक्ता गोविन्द बन्दीले पुन: न्यायाधीश बमकुमार श्रेष्ठमाथि प्रश्न उठाएका छन् ।

शुक्रबार पनि नेकपा एकता बदर गर्ने न्यायाधीश बमकुमार श्रेष्ठलाई संवैधानिक इजलासमा राखिएको भनेर गोविन्द बन्दीलगायतका कानून व्यवसायीले आपत्ति जनाएपछि इजलासमा विवाद भएको थियो ।

‘नेपाल कम्युनिष्ट पार्टी (नेकपा) राखेर दर्ता गरेको देखिन्छ । नाम मात्रै बदर गरी पाउँ बन्ने निवेदन थियो । फैसलामा नाम मिलेको त भनियो । माग दावी अनुसार फैसला हुन्थ्यो भने नाम मात्रै परिवर्तन गर्नुपर्छ भन्ने हुन्थ्यो, संवैधानिक इजलास गठनमा प्रश्न उठाउँदै बन्दीले भने, ‘तर, बमकुमार श्रीमान रहेको इजलासले एकता समेत बदर गरियो । राजनीति अर्कै दिशामा गयो ।’

बन्दीको प्रश्नमा प्रधानन्यायाधीश राणाले बन्दीलाई गलत या सही भन्न नपाउने बताए । ‘ तपाईं यसरी बहस गर्न पाउनु हुन्न । तपाईं गलत या सही भन्न पाउनु हुन्न ।’

प्रतिक्रिया दिनुहोस !