शिशिर सिंखडा, चितवन । ग्लोबल गोरखा समाज अन्तर्राष्ट्रिय समन्वय परिषदले शुरु गरेको “एक अक्सिजन कन्सनट्रेटर दुई जिवनदान” अभियानमा ताईवान  निवासी समाजसेवी कर्मा धिन्बुब लामाले २ लाख रुपैया सहयोग गर्नु भएको छ ।

लामाले सो अभियानको लागि आज समाजका कोषाध्यक्ष आकाश बन्जारालाई सो रकम हस्तान्तरण गर्नु भएको हो ।

काठमाडौंको बौद्ध घर भै लामो समयदेखि ताईवानमा रहनु भएका साउण्ड हिलिङ (सिङ्गिङ बल) मास्टर लामा सफल ह्यान्डीक्राफ्ट व्यावसायी समेत हुनुहुन्छ । ताईवानमा नेपाली ह्यान्डीक्राफ्टको प्रचारप्रसार र प्रबर्द्धनमा उहाँको महत्त्वपूर्ण योगदान रहेको छ । उहाँ मिस्टर नेपाल सिङ्गिङ बल (Mr.Nepal Singing Bowls) कम्पनिका निर्देशक समेत रहनु भएको छ ।  समाजसेवी लामाले यस अधि पनि नेपालका विभिन्न स्थानमा सहयोगहरु गर्दै आउनु भएको छ ।
साथै उहाँहरुले सो अभियानमा रकमको अभाव भएमा थप रकम समेत सहयोग गर्ने प्रतिबद्धता व्यक्त गर्नु भएको ग्लोबल गोरखा समाज अन्तर्राष्ट्रिय समन्वय परिषदका कोषाध्यक्ष तथा कालिका दैनिक अनलाइनका निर्देशक आकाश बन्जाराले जानकारी दिनु भयो ।   
सो अभियानमा हालसम्म करिब ३० लाख रुपैया संकलन भईसकेको समेत बन्जाराले जानकारी दिनुभयो ।

ग्लोबल गोरखा समाजका अध्यक्ष विनय अधिकारीले विश्वभर रहेका नेपालीले कोभिड प्रभावित जिल्लाबासीलाई राहत दिन सहयोग संकलन अभियान सञ्चालन गरिरहेको कालिका दैनिकलाई जानकारी दिनुभयो । समाजका उपाध्यक्ष तथा स्वास्थ्य विभाग प्रमुख गोर्कण ढकालले हाल नेपालमा कोरोना महामारी भयावह रुपमा बढिरहेको र अक्सिजन नपाएर नेपालहरुले अकालमा मृत्यवरण गरिरहेको घटनाले दुखी बनाएको भन्दै अभियान सञ्चालन गरिएको र रकम संकलन कार्य जारी रहेको समेत बताउनुभयो ।

समाजले ६६ वटा कन्सनट्रेटर खरिद गरि हस्तान्तरण गर्दैछ । २ जना बिरामीलाई एकैै पटक प्रत्यक्ष प्रयोग गर्न सकिने एउटा कन्सनट्रेटरको करिव १ लाख रुपैया पर्ने ग्लोबल गोरखा समाजका अध्यक्ष विनय अधिकारीले जानकारी दिनुुुभयो । गोरखाका सबै अस्पताल, स्वास्थ चौकी र प्राथमिक उपचार केन्द्रमा कुल ६६ वटा कन्सनट्रेटर खरिद गरि हस्तान्तरण गर्नेे अभियानमा खटिनु भएका समाजका सचिब बिराट खनालले  सो सामाग्रीहरु हस्तान्तरण पछि गोरखाका सबै स्वास्थ केन्द्रहरु अक्स्सिजनयुक्त हुने र कोरोना र अन्य बिरामीहरुको उपचारमा थप सहज हुने  बिश्वास लिएको बताउनु भयो ।

प्रतिक्रिया दिनुहोस !