चितवन । चितवनभित्रका निर्माण साम्रगी दुवानी गर्ने सवारी साधन बिहान ६ बजेदेखी दिउँसो २ बजेसम्म मात्रै संचालन गर्न पाईने भएको छ । जिल्ला प्रशासन कार्यालय चितवनले आज आदेशमा संसोधन गर्दै यस्तो निर्णय गरेका हुन । साथै प्रशासनले राजमार्ग भई अन्य जिल्लामा जाने मालबाहक सवारी साधन, निर्माण सामग्रीका सवारी साधन र खाली फिर्ता हुने सवारी साधन चितवनमा नरोकिने गरी संचालन गर्न पाइने भनेर निर्णय गरेको छ ।

कोरोना संक्रमण रोकथाम तथा नियन्त्रण गर्नको लागि चितवन जिल्लाभरी लागु हुने गरी वैशाख ३१ गतेदेखी जेठ १३ गतेसम्म निषेधाज्ञा जारी गरेको छ । वैशाख ३० गते आदेशको प्रकरण गरिएको (गर्) संचालन गर्न पाईने सवारी साधनहरुको’ क्रमसंख्या (६) मा संसोधन गरी आदेश जारी गरिएको जिल्लाका प्रमुख जिल्ला अधिकारी प्रेमलाल लामिछानेले जानकारी दिए ।

प्रतिक्रिया दिनुहोस !