दिल्ली । भारतमा बुधबार एकैदिन झन्डै ३ लाख कोरोनाभाइरस संक्रमित थपिएका छन् । स्वास्थ्य तथा परिवार कल्याण महाशाखाका अनुसार २ लाख ९४ हजारमा नयाँ भाइरस संक्रमित पुष्टि भएको हो ।

अहिलेसम्मकै दोस्रो सर्वाधिक संक्रमित संख्या भएको जनाइएको छ । मंगलबार २ लाख ९४ हजार २९१ संक्रमित थपिएका थिए ।

महामारीयता पहिलोपटक एकैदिन मृत्यु हुनेको संख्या २ हजार नाघेको छ । २,०२३ जनाको मृत्यु भएको छ । सबैभन्दा बढी प्रभावित महाराष्ट्र राज्यमा थप ६२ हजार जना संक्रमित थपिएका छन् ।

भारत विश्वमै चौंथो सर्वाधिक मुलुक बनेको छ । भारतमा संक्रमित संख्या बढ्दै गएपछि अमेरिका, बेलायत, हङकङ, न्यूजिल्यान्ड लगायतका मुलुकले आफ्ना नागरिकलाई भारत नजान ट्राइभल एड्भाइजरी जारी गरेका छन् ।

अमेरिकाले आफ्ना नागरिकलाई भारत नजान निर्देशन दिएको छ । बेलायतले भारतबाट बेलायत आउन रोक लगाएको छ । हङकङ र न्यूजिल्यान्डले उडान बन्द गरेका छन् ।

प्रतिक्रिया दिनुहोस !