विराटनगर । विराटनगर महानगरपालिकाले एक सताको लागि विद्यालय बन्द गर्ने निर्णय गरेको मेयर भीम पराजुलीले जानकारी दिए ।

विराटनगरमा पछिल्लो सयम कोराना संक्रमण दर बढेसँगै नगरभित्रका विधालय एक साताको लागि पठनपाठन बन्द गर्ने निर्णय गरेको गरिएको हो । पछिल्लो समय विराटनगरमा २९ जना बालबालिकामा कोरोना संक्रमण देखिएको छ ।

विराटनगर महानगरको शिक्षा समितिको बैठकले तत्काललाई एक साताका लागि महानगरभित्रका विद्यालय बन्द गर्ने निर्णय गरेको शिक्षा शाखाका प्रमुख दुर्गा खतिवडाले जानकारी दिए ।

महानगरपालिकाको तथ्याङ्क अनुसार शनिबारसम्म विराटनगरमा १ सय ३८ जनामा कोरोना संक्रमण देखिएको थियो । तीमध्ये २९ जना २० वर्षमुनिका हुन् ।

नयाँ संक्रमित ७ देखि २० वर्षसम्मका छन् । स्वास्थ्यमन्त्रालयको कोरोना संवेदनशील जिल्लाको सूचीमा मोरङ पनि छ ।

प्रतिक्रिया दिनुहोस !