ताप्लेजुङ  ।  ताप्लेजुङको तीन स्थानीय तहले ग्याल्पो लोसारका अवसरमा आज सार्वजानिक बिदा दिएका छन् । मेरिङ्देन गाउँपालिका, आठराई त्रिवेणी गाउँपालिका र मैवाखोला गाउँपालिकाले ग्याल्पो लोसारमा सार्वजानिक बिदा दिएका हुन् ।

शेर्पा समुदाय बसोबास भएको स्थानीय तहले ग्याल्पो लोसारको दिन सार्वजानिक बिदा दिएको मेरिङदेन गाउँपालिका प्रमुख प्रशासकीय अधिकृत डम्बरबहादुर तुम्बाहङ्फेले बताउनुभयो । ताप्लेजुङको मेरिङदेन, आठराई त्रिवेणी र मैवाखोला गाउँ पालिकामा शेर्पाहरुको बाहुल्य छ ।

बौद्ध धर्मावलम्बीको पर्र्व ग्याल्पो लोसार मान्यताअनुरूप हिमवत्खण्डबाट शुरु भएको ‘च्या लो’ ९चरा वर्ष० लाई बिदा गरी ‘खि लो’ ९कुकुर वर्ष० मनाइँदै आएको छ । बौद्ध धर्मको महायानी सम्प्रदायमा साम्बोटा लिपिले समेटेको हिमाली भोटचन्द्र पात्रो ९दतु०मा कोङ्पो, तोला, सोनाम र ग्याल्पो गरी चार वटा लोसार उल्लेख छ ।

शेर्पा, तामाङ, भोटे, गुरुङ, थकाली, ह्योल्मोलगायत बौद्ध धर्मावलम्बीले पात्रोअनुसार चारै वटै लोसार मनाउने गरेको फक्ताङ्लुङ गाउँपालिका–७ घुन्सा निवासी पेमा शेर्पाले बताउनुभयो । लोसारमा छेमार र छेयाङ्फुद सजाउने गर्छन् । नौ प्रकारका खानेकुरा मिसाएर पकाइएका खाना ९गुथुक०, खप्स र फलफूल खाएर आफ्ना आफन्तलाई शुभकामना दिने गरेको शेर्पाले बताउनुभयो ।

प्रत्येक वर्ष १२ लो ९बाँदर, चरा, कुकुर, सुङ्गुर, मुसा, गाई, बाघ, बिरालो, ड्र्यागन, सर्प, घोडा र भँेडा० वर्ष परिवर्तन भएर नयाँ वर्षको शुरुआत हुन्छ । तिथि परिवर्तन भई १२ महिना सकिएर नयाँ वर्ष लागेसँगै ग्याल्पो लोसार मनाइने गरिन्छ । हिमाली क्षेत्रका बासिन्दाले लोसार ९नयाँ वर्ष० लागेको शुभ सङ्केतस्वरूप जौ र गहुँका बाला राख्ने गर्छन् । पात्रो अनुसार १२औंँ महिनाको पहिलो दिन सोनाम लोसार मनाउने गरेको फक्तालुङ गाउँपालिका–७ निवासी छेतेन लामाले बताउनुभयो ।

प्रतिक्रिया दिनुहोस !