संविधान दिवसमा टुँडिखेलबाट प्रधानमन्त्रीद्वारा देशबासीमा शुभकामना (भिडियो सहित)

काठमाडौं– प्रधानमन्त्री केपी शर्मा ओलीले छैटौं संविधान दिवस तथा राष्ट्रिय दिवसका अवसरमा देशबासीमा शुभकामना व्यक्त गर्नुभएको छ । टुँडिखेलमा आयोजित विशेष कार्यक्रममा प्रधानमन्त्रीले सम्बोधन गर्दै स्वदेश तथा विदेशमा रहनुभएका नेपालीलाई शुभकामना व्यक्त गर्नुभएको हो ।

देशबासीका नाममा सम्बोधन गर्दै प्रधानमन्त्री ओलीले सरकारले जनताको जीवनरक्षा पहिला भनेर हरसम्भव प्रयास गरिएको उल्लेख गर्नुभयो । उहाँले जनतालाई सचेत बनाउँदै जीवनरक्षाका लागि छिमेकी मुलुकभन्दा पहिला नियन्त्रण, रोकथाम र उपचारका लागि काम गरिएको जानकारी दिनुभयो ।

प्रधानमन्त्री ओलीले कोरोना नियन्त्रणमा सरकारले गरेका कामहरुलाई समीक्षा गर्दा उराठलाग्दो नभएको बताउँदै बरु उत्साहजनक रहेको उल्लेख गर्नुभयो ।

कोरोना महामारीको अवस्था नआएको भए ठूला आयोजनाहरु पूरा हुनेक्रममा हुने थिए भन्दै प्रधानमन्त्री ओलीले तर पनि विकास आयोजनाका कामहरुलाई निरन्तरता दिइएको जानकारी दिनुभयो ।

प्रधानमन्त्री ओलीले कोरोना महामारीकाबीच पनि समग्र आर्थिक सूचकहरु नकारात्मक नभएको उल्लेख गर्नुभयो ।

|| छैटौं संविधान दिवस ( राष्ट्रिय दिवस ) || २०७७/०६/०३ ||

|| छैटौं संविधान दिवस ( राष्ट्रिय दिवस ) ||विशेष समारोहबाट प्रधानमन्त्री ओलीले संविधान दिवसको शुभकामना सन्देशसहित देशवासीका नाममा सम्बोधन || सैनिक मञ्च टुँडिखेल || २०७७/०६/०३ ||

Gepostet von Nepal Television am Freitag, 18. September 2020