कोरोना भाइरस संक्रमित एकै दिन एक लाख नाघ्यो; संक्रमित ७२१४१२, मृतक ३३९५६

एजेन्सी, १७ चैत्र । विश्वभर कोरोना भाइरस संक्रमितको संख्या एकै दिन एक लाखका दरले वृद्धि भएको छ । यो वृद्धि अहिलेसम्मकै उच्च हो । आइतबार ६ लाख संक्रमित भएकोमा सोमबार ७ लाख नाघेको छ । पछिल्लो तथ्यांक अनुसार विश्वभर संक्रमितको संख्या ७ लाख २१ हजार ४ सय १२ छ । मृतक संख्या ३३ हजार ९ सय ५६ पुगेको छ ।

१ लाख ५१ हजार ४ जना निको भएका छन् । तर, संक्रमित र मृतकको संख्या झनै बढ्दैछ ।

विश्वका सबैजसो देशमा कोरोना भाइरसको संक्रमण भइसकेको छ । यसले अमेरिका र युरोपमा महामारीको रुप लिइसकेको छ । त्यहाँ दिनप्रतिदिन मृतक र संक्रमितको संख्या बढिरहेको छ ।

सबैभन्दा बढी संक्रमित अमेरिकामा देखिएका छन् । सबैभन्दा बढी इटालीमा कोरोनाको कारण मानिसको मृत्यु भएको तथ्यांक छ । त्यहाँ १० हजारभन्दा बढीको मृत्यु भइसकेको छ ।

चीनमा पहिलोपटक पत्ता लागेको कोरोना भाइरस अहिले अमेरिका र युरोपमा फैलिइरहेको छ । युरोपेली देशहरुले चीनलाई उछिन्न थालेका छन् ।

देश         संक्रमित
अमेरिका १४१८५४
इटाली ९७६८९
चीन ८१४३९
स्पेन ८०११०
जर्मनी ६२०९५
फ्रान्स ४०१७४
इरान ३८३०९
बेलायत १९५२२
स्वीटजरल्यान्ड १४८२९
नेदरल्यान्ड १०८६६
बेल्जियम १०८३६
स्रोतः वोल्डोमिटर