भारतबाट फर्किएपछि क्वारेन्टाइनमा राखिएका एक पुरुषको मृत्यु

पोखरा । क्वारेन्टाइनमा राखिएका एक जनाको मृत्यु भएको छ।

भारतको हैदरबादबाट फर्किएपछि मंगलबार क्वारेन्टाइनमा राखिएका ५० वर्षीय पुरुषको मृत्यु भएको बताइएको छ ।

पोखराको रुपा गाउँपालिका निवासी ५० वर्षीय पुरुषलाई भारतको हैदरावादबाट फर्किएपछि कोरोनाको आशंकामा क्वारेन्टाइनमा राखिएको थियो।

क्वारेन्टाइनमै गम्भीर बिरामी भएपछि उपचारकालागि पश्मिाञ्चल क्षेत्रीय अस्पतालमा ल्याउँदै गर्दा उनको बाटैममा मृत्यु भएको बताइएको छ ।

१२ दिनअघि हैदरावादबाट रुपा गाउँपालिकास्थित घर फर्किएका उनलाई कोरोना आशंकमा मंगलबारदेखि गाउँकै क्वारेन्टाइनमा राखिएको थियो।

उनी मुटु रोगी भएको र उनको कलेजोमा पनि पानी जमेको चिकित्सकहरुले बताएका छन् ।

पश्चिमाञ्चल क्षेत्रीय अस्पताल स्रोतले पोखरा ल्याउने क्रममा ती पुरुषको मृत्यु भएको पुष्टि गरेको छ ।

उनको स्वास्थ्य परीक्षण प्रतिवेदन आइनसकेकाले मृत्युको कारण कोरोना संक्रमण हो वा अरुनै कारण हो खुल्न सकेको छैन ।