हुम्लामा हिमपात, डाँडाहरू सेताम्य

सिमकोट । हुम्लामा हिमपात सुरु भएको छ । लगातारको हिमपातका कारण डाँडाहरू सेताम्य भएका छन् ।

सदरमुकाम सिमकोटभन्दा माथिको क्षेत्रमा बिहीबार बेलुकादेखि हिमपात सुरु भएपछि पूरै सेताम्मे भएको छ ।

बिहानैदेखि बाक्लो बादल लागेर चिसो अत्याधिक बढेको भए पनि बेलुकादेखि हिमपात सुरु भएको हो ।

बिहीबार बेलुका आठ बजेदेखि हिमपात सुरु भएको थियोे । यसअघि पहिलो पटक हिमपात हुँदा पानी पर्ने गरेको भएपनि यसपाली भने सिधै हिउँ पर्न सुरु गरेको छ ।

सिमकोटमा आधा फिट हिउँ जमेको छ । हुम्ला दोस्रो हिमपात भए पनि सिमकोटसम्मको यसपालीको यो पहिलो हिउँ जमेको छ।