घर बनाउदा मापदण्ड पुरा गर्नु पर्छ : मेयर नारायण वन

रत्ननगर ३० फागुन । रत्ननगर नगरपालिकाका मेयर नारायण वनले घर निर्माण गर्दा भवन निर्माण आचारसंहिताले तोकेको मापदण्ड पुरा गर्नुपर्ने बताएका छन । रत्ननगरमा आयोजना गरिएको सामुदायिक विपद् प्रतिकार्य तालिमको समापन कार्यक्रममा उनले सरकारले नागरिकको सुरक्षाको लागि भवन निर्माण आचारसंहिता लागु गरेको भन्दै मापदण्ड पुरा गरी घर बनाउनु पर्ने बताए । कमजोर घर बनाएर नक्सा पास गर्न भनसुन गर्ने प्रबृत्तिको विकास भइरहेको भन्दै उनले मजबुत घर बनाउनु आफ्नै सुरक्षाको लागि भएको बताए । घर कमजोर भयो भने भूकम्पले हामीलाई खान्छ उनले भने आफ्नो र परिवारको सुरक्षाको लागि आचारसंहिताले तोकेको मापदण्ड पुरा गरी घर बनाउनु आवश्यक छ । राम्रो सामाग्री हालेर घर बनाउदा धेरै पैसा खर्च हुनु स्वाभाविक रहेको भन्दै उनले घर मजबुत भयो भने विपद् आउदा जोखिम कम हुन्छ । मेयर वनले प्रक्रिया पुरा गरेर मात्र घर तथा भवन निर्माण गर्न नगरवासीलाई आग्रह गरेका छन ।