अमेरिका । अमेरिकी राष्ट्रपति डोनाल्ड ट्रम्पले पूर्वी समय अनुसार मंगलबार राती नौ बजे अमेरिकी संसदको दुवै सदनको संयुक्त बैठकमा स्टेट अफ युनियन एड्रेस (सम्बोधन) गर्ने छन् । सम्बोधनमा उनले सरकारका प्राथमिकता, उपलव्धी र नयाँ योजना सार्वजनिक गर्ने छन् ।

सरकार र विपक्षी डेमोक्र्याटबीचको विवाद जारी रहेको र इतिहासकै लामो गर्भमेन्ट सटडाउनपछि हुन लागेको राष्ट्रपति ट्रम्पको यो सम्बोधनले विद्यमान समस्या समाधानमा विशेष भुमिका खेल्नेछ ।

सम्बोधनले इमिग्रेसन सुधारमा ठोस कार्ययोजना नदिए डेमोक्र्याटले सरकारको नीति तथा कार्यक्रमको समर्थन गर्ने छैनन् । फलस्वस्प फेब्रुवरी १६ बाट फेरी गर्भमेन्ट सटडाउन हुनेछ ।

सीमा पर्खालको लागि ५.७ अर्ब डलर बजेट माग गरेका राष्ट्रपति ट्रम्पले विपक्षी डेमोक्र्याटलाई फकाउन इमिग्रेसन सुधारमा ठोस कार्ययोजना पेस गर्न सक्ने अनुमान गरिएको छ । यस अघि सन् २०१८ को युनियन एड्रेसमा पनि ट्रम्पले वृहत इमिग्रेसन सुधार योजना प्रस्तुत गरेका थिए तर त्यसमा कुनै प्रगति भएको थिएन ।

यसैगरी, सन् २०१८ का कैयन योजना अझ पनि पुरा भएका छैनन् । सन् २०१८ को युनियन एड्रेसमा प्रतिज्ञा गरिएको द्विपक्षिय वा बहुपक्षिय सन्धी पुनरावलोकन र अमेरिकी हितमा नयाँ सम्झौता गर्ने कार्यमा भने ट्रम्प सफल देखिएका छन् । अमेरिकी सेनालाई आधुनिकीकरण गर्ने कार्यमा आंशिक सफलता मिलेको छ ।

आज हुने युनियन एड्रेसमा राष्ट्रपति ट्रम्पले उठाउने मुद्दाले अमेरिकी राजनीतिको भविष्य निर्धारण गर्नेछ । युनियन एड्रेसमा मुख्य पाँच कुरा हेर्न उपयुक्त हुने अमेरिकी सञ्चारमाध्यमले उल्लेख गरेका छन् ।

ति हुनः

३५ दिन लामो गर्भमेन्ट सटडाउनपछि तीनसाता अर्थात फेब्रुवरी १५ सम्मको लागि संघीय सरकार खुला छ । यो समय सत्ता पक्ष र विपक्षमा सहमति र समझदारी विकास गरी गर्भमेन्ट सटडाउन उन्य गर्ने हो । राष्ट्रपति ट्रम्पले सम्बोधनले यसका लागि उपयुक्त बाटो बनाउन कि बनाउदैन यो सबैको चासोको विषय हो ।

युनियन एड्रेसको बेला सभामुख नान्सी पेलोसी राष्ट्रपति ट्रम्पको पछाडी हुनेछिन । उनले राष्ट्रपतिको प्रत्येक शव्द र वाक्यमा प्रतिक्रिया जनाउनेछिन । उनले जनाउने प्रतिक्रियाले अबको बाटो निर्धारण गर्नेछ । “सम्बोधन हुदै गर्दा पेलोसीको अनुहार, हाउभाउ चासोको विषय हुनेछ । यसलाई डेमोक्र्याटको तत्कालको प्रतिक्रिया भने हुन्छ,” यूएसए टुडेले लेखेको छ ।

इमिग्रेसन र सीमा सुरक्षामा विपक्षी डेमोक्र्याटको चाहनालाई सम्बोधनमा समावेस गरिन्छ वा गरिदैन यसले भावी राजनीतिमा प्रभाव पार्नेछ । राष्ट्रपति ट्रम्प सीमा सुरक्षाका लागि पर्खाल बनाउन ५.७ अर्ब बजेट चाहन्छन भने विपक्षी बाल्यकालमा अमेरिका आएका बालबालिका र कागजातविहिन एक करोडभन्दा बढी आप्रवासीको व्यवस्थापन गर्न वृहत इमिग्रेसन सुधार आवश्यक भएको बताउदै आएका छन् ।

आर्थिक वृद्धि र न्यून बेरोजगारी राष्ट्रपति ट्रम्पको कार्यकालको ठूलो उपलव्धी हो । सन् २०१८ मा ३.४ प्रतिसतले आर्थिक वृद्धि भएको छ भने बेरोजगारीको दर न्यून छ । तर, गर्भमेन्ट सटडाउनबाट अर्थतन्त्रलाई ११ अर्ब घाटा लागेको छ । यसलाई ट्रम्पले कसरी परिभाषित गर्नछ ।

प्रतिक्रिया दिनुहोस !